ریاض.... پبلک پراسیکیوشن نے خبردار کیا ہے کہ کسی بھی سرکاری ملازم سے غیر قانونی کام کرانے کیلئے طاقت کا استعمال یا اس پر تشدد یا اسے دھمکانا جرم ہے ۔ اس کی سزا 10برس تک قید اور 10لاکھ ریال تک جرمانہ ہے ۔ پبلک پراسیکیوشن نے ٹویٹر کے اپنے اکائونٹ پر واضح کیا کہ حال ہی میں ایک سوڈانی ڈاکٹر کے ساتھ بد زبانی کرنیوالے مقامی شہری کو گرفتار کر لیا گیا ہے ۔ اس نے بیماری کی چھٹی کیلئے سرٹیفکیٹ نہ دینے پر سوڈانی ڈاکٹر کے ساتھ بد تمیزی کی تھی ۔ اس واقعہ نے سعودی معاشرے اور وزارت صحت کے حلقوں میں غم و غصے کی لہر دوڑا دی تھی ۔
