اماراتی عازمین کے لئے جدید خیموں کا اہتمام

ابوظبی:اماراتی اسلامی امور واوقاف بورڈ نے کہا ہے کہ اماراتی عازمین کے لئے امسال مشاعر مقدسہ میں خصوصی خیموں کا اہتمام کیا گیا ہے جن میں گرمی جذب کرنے کی صلاحیت ہے۔ منی اور مشاعر مقدسہ میں اماراتی عازمین کو خیمے دیئے گئے ہیں وہ جدید نوعیت ہیں۔ باہر کے ماحول سے تحفظ کے علاوہ انتہائی گرمی میں بھی ٹھنڈے رہتے ہیں۔ خیموں میں ایئرکولروں کے علاوہ بجلی کی فراہمی کردی گئی ہے۔ امارات اپنے عازمین کے ساتھ دینی رہنما ئی کے لئے بھی مشن میں علماءاور مشائخ روانہ کرے گا۔اماراتی عازمین کا پہلا قافلہ پیر کو ارض مقدس پہنچے گا۔