فلسطینی عازمین رفح کے راستے مملکت پہنچیں گے

قاہرہ .... غزہ پٹی میں سرحدوں اور چوکیوں کی اتھارٹی نے اعلان کیا ہے کہ مصری حکام نے فلسطینی حاجیوں کو غزہ کے راستے سعودی عرب سفر کےلئے رفح سرحدی چوکی کھولنے کی منظوری دیدی ہے۔ اتھارٹی کے ترجمان ہشام عدوان نے بتایا کہ مصری حکام نے ہمیں باقاعدہ طور پر اطلاع دیدی ہے کہ 14 سے 17اگست تک فلسطینی حاجی رفح بری سرحدی چوکی کے راستے سعودی عرب کا سفر کرسکتے ہیں۔