نارمل فیس کے ساتھ فارم بھجوانے کی آخری تاریخ 15 اگست ہے، انتظامیہ العزیزیہ اسکول
جدہ (ارسلان ہاشمی ) پاکستان انٹر نیشنل اسکول العزیزیہ کے مطابق فیڈرل بورڈ آف اسلام آباد کے تحت انٹرمیڈیٹ سال دوم میں ناکام رہنے والے طلباءکےلئے سپلیمنٹری امتحانات 24 اکتوبر کو منعقد کئے جائیں گے ۔ ضمنی امتحانات میں شرکت کرنےوالے امیدوار اپنے فارم ریگولر فیس کے ساتھ 15 اگست تک بھیج سکتے ہیں۔ مقررہ تاریخ کے بعد ڈبل لیٹ فیس کی آخری تاریخ 22 اگست 2017 جبکہ 3 گنا لیٹ فیس کےساتھ داخلہ فارم بھجوانے کی آخری تاریخ 10 ستمبر ہے ۔ اسکول انتظامیہ کے مطابق انٹرمیڈیٹ سال دوم کے ضمنی امتحانات میںشرکت کرنے والے امیدوار نارمل فیس کے ساتھ 15 اگست 2017 تک فیڈرل بورڈ کو اپنے فارم ارسال کردیں بصورت دیگر ڈبل لیٹ فیس کے ساتھ جمع کروانا ہونگے ۔
