امن نوبل انعام کی رقم جنگ متاثرین کے لئے وقف

لندن ..... کولمبیا کے صدر یوان مینوئل سینٹوس نے اعلان کیا ہے کہ وہ امن کے نوبل ایوارڈ سے ملنے والی رقم ملک میں جاری 52 سالہ جنگ کے متاثرین کی مدد کیلئے وقف کر دیں گے۔سینٹوس کو گذشتہ ماہ فارک باغی گروپ کے ساتھ امن معاہدہ کرنے کے لیے رواں سال امن کا نوبل انعام دیا گیا تاہم اس معاہدے کو چند دن قبل کولمبیا کی عوام نے ایک ریفر نڈم میں مسترد کر دیا ۔خیال رہے خانہ جنگی میں اب تک تقریبا 2 لاکھ 60 ہزار افراد مارے جا چکے تقریبا 60 لاکھ افراد ملکی کے اندر ہی نقل مکانی پر مجبور ہوئے ہیں۔