ریاض ..... نائب خادم حرمین شریفین شہزادہ محمد بن سلمان کی زیر صدارت اقتصادی امور کونسل کااجلاس ہوا۔متعدد اقتصادی و ترقیاتی امور پر تبادلہ خیال کیا گیا۔جدہ کے قصر السلام میں نائب الملک نے اجلاس 6گھنٹے تک جاری رکھا۔ اس میں ملکی و قومی امور کے حوالے سے متعدد اقدامات پر تبادلہ خیال کیا گیا۔ سفارشات منظور کی گئیں۔ وزارت محنت و سماجی فروغ کا منصوبہ زیر بحث آیا۔ روزگار پیدا کرنے والے ادارے کے پروگرام اور انسداد بے روزگاری کی اسکیمیں اجلاس میں پیش کی گئیں۔
