مری ... سابق وزیراعظم نوا زشریف اسلام آباد میں وزیر اعظم ہاوس چھوڑنے کے بعد اتوار کومری پہنچے تو ان کی رہائش کے باہر ن لیگ کے کارکنوں کی بڑی تعداد جمع ہوگئی اور ان کے حق میں نعرے لگائے۔ نواز شریف عام لوگوں میں گھل مل گئے۔ سابق وزیر اعظم کے ساتھ ان کی صاحبزادی مریم نواز اور بیٹا حسین نواز بھی ہیں۔ مریم نواز نے ٹوئٹر پر اپنے بیان میں کہا کہ محبتوں کا وہی سمندر۔ عہدے اہمیت نہیں رکھتے۔ انہوں نے کہا کہ نواز شریف عوام کے دلوں میں رہتے ہیں۔
