دہلی میں ایم ٹی این ایل پر سائبر حملہ

نئی دہلی۔۔۔۔حکومت کے زیر اہتمام چلنے والی کمپنی ایم ٹی این ایل کے کئی براڈ بینڈ کنکشنز پر سائبر حملہ ہوا ہے ۔ اگرچہ کمپنی کے حکام کا کہنا ہے کہ صورتحال اب معمول پر ہے مگر گھروں اور بینکوں میں سروس منقطع ہے۔ ابھی اس بات کا علم نہ ہوسکا کہ کتنے ادارے متاثر ہوئے ہیں تاہم ذرائع کا کہنا ہے کہ متعدد آپریشن رک گئے ہیں۔ کمپنی کے اعلیٰ افسر نے کہا کہ صورتحال بہتر بنانے کیلئے کارروائی جاری ہے اور ہمیں یقین ہے کہ صورتحال جلد بہتر ہوجائیگی۔