اسلام آباد....وزیر دفاع خواجہ آصف نے عرب امارات کی کمپنی میں ملازمت اور اقامہ سے متعلق الزامات کو بے بنیاد قرار دے دیا ۔ 2013 کے انتخابات کے کاغذات نامزدگی اپنا اقامہ ظاہر کیا تھا۔ یواے ای کا اقامہ انٹرنیشنل مکینکل اینڈ الیکٹریکل کمپنی کے توسط سے بطور لیگل ایڈوائزر پرائیویٹ کے طور پر حاصل کیا ۔خواجہ آصف کے این اے 110 سے کاغذات نامزدگی اسکروٹنی کے بعد ریٹرننگ افسر نے درست قرار د ئیے تھے۔ خواجہ آصف نے نجی ٹی وی چینل کو بتایاکہ اقامہ الیکشن کمیشن اور ایف بی آر میں ظاہر کیا ہوا ہے۔ابو ظبی میں 1983 سے بینک اکاونٹ موجود ہے۔ تحریک انصاف کے رہنما عثمان دار نے الزام لگایا تھا کہ خواجہ آصف وفاقی وزیر ہونے کے ساتھ دبئی کی ایک کمپنی کے ملازم بھی ہیں۔ انہوں نے کمپنی کے ملازم کی حیثیت سے متحدہ عرب امارات کا اقامہ لے رکھا ہے۔
